Mingəçevirdə 19 yaşlı gənci bıçaqlayan şəxs saxlanılıb
ONA-nın Mingəçevir bürosunun məlumatına görə, günorta saatlarında şəhər mərkəzində Sərxan Rüstəm oğlu Muradovu bıçaqlamaqda şübhəli bilinən İsmayıllı rayon sakini Ülvi Əhmədov Mingəçevir şəhər Polis Şöbəsi əməkdaşlarının keçirdiyi əməliyyat-axtarış tədbirləri nəticəsində saxlanılıb.
Saxlanılan şəxs ilkin dindirilmə zamanı hadisəni şəxsi münasibətlər zəminində törətdiyini etiraf edib.
Faktla bağlı araşdırma aparılır.
***
Mingəçevirdə bıçaqlanma hadisəsi baş verib.
ONA-nın Mingəçevir bürosunun məlumatına görə, bu gün günorta saatlarında şəhər ərazisində mübahisə və münaqişə zəminində 2000-ci il təvəllüdlü Sərxan Rüstəm oğlu Muradov bıçaqlanıb. Ağır xəsarət alan gənc xəstəxanaya yerləşdirilib.
Hadisənin səbəbləri araşdırılır.
Xəbər 441 dəfə oxunub.
