Mərhum aktyor Həsənağa Turabovun vaxtı ilə Xalq artisti Flora Kərimovaya aşiq olduğu üzə çıxıb.

Aktual.az Publika.az-a isinadən xəbər verir ki, Xalq artisti "Hüseynova bacıları" verilişində qonaq olub. Verilişin aparıcıları bildirib ki, vaxtikən Flora xanımla aktyor arasında eşq yaşanıb. Müğənni bu faktı təsdiq edərək etiraf edib ki, burda utanılası heç nə yoxdur:

"Burada utanılası söz yoxdur ki, fakt təqdim edilsin. Bu sualı mənə çoxdan verirdilər, ona cavab verməkdən həmişə boyun qaçırdım. Ancaq indi deyim, bəli, Həsənağa Turabov məni çox istəyirdi. Hətta mənlə evlənməyi düşünürdü. 1957-ci ildə festivala gedəndə, məndən xəbərsiz qatarla arxamca gəlmişdi.

Hətta Aydın Qaradağlının dövründə diktor işləyəndə mənim adımdan Həsənağa Turabov qol çəkirmiş. Sonra Aydın müəllim çağırdı ki, belə olmaz. Evdən məni ona vermədilər və biz ayrıldıq.

Bu yaxınlarda qızı ilə görüşdük. Orada bu haqda danışanda cavablandırmadım. Mənim oğlum, qızım, onun xanımı. Onun mənə qarşı hisləri var idi".