Bakının Sabunçu rayonunda beşmərtəbəli binada yanğın baş verib.
Aktual.az Lent.az-a istinadən xəbər verir ki, FHN-nin mətbuat xidmətindən verilən məlumata görə, Sabunçu rayonunda beşmərtəbəli yaşayış binasının ikinci mərtəbəsində vətəndaşa məxsus ümumi sahəsi 50 kv.m olan 2 otaqlı mənzilin 1 otağının, eyvanının yanar konstruksiyaları və ev əşyaları 23 kv.m sahədə yanıb. Yanğın zamanı yanğınsöndürənlər tərəfindən 1 nəfər xilas edilib və 15 nəfər bina sakini təxliyə olunub.
Mənzilin qalan hissəsi və digər mənzillər yanğından mühafizə olunub. Yanğın saat 14:32-də yanğınsöndürənlər tərəfindən söndürülüb.