Bir neçə dəqiqə öncə Bakıdakı şadlıq saraylarından birində faciə yaşanıb.
Aktual.az musavat.com-a istinadən xəbər verir ki, “Sonalar sonası” şadlıq evində keçirilən toyun qızğın çağında ev sahiblərindən birinin halı pisləşib.
Səhhəti pisləşən qadın bəyin bibisi imiş. Ürəktutmasından əziyyət çəkən qadın üçün təcili yardım çağırılıb. Lakin xəstəni xilas etmək mümkün olmayıb – həkimlər hadisə yerinə gələnə kimi qadın keçinib.
Qohumları hesab edir ki, təcili yardımın toy yerinə gec gəlməsi ucbatından xanımı xilas etmək mümkün olmayıb. Buna görə toy sahibləri ilə tibb işçiləri arasında qarşıdurma yaranıb.
