Lerikdə 18 yaşlı gənc özünü güllələyib.
Aktual.az Apa-ya istinadən xəbər verir ki, hadisə rayonun Livədirqə kəndində qeydə alınıb. Kənd sakini, 1998-ci il təvəllüdlü Elcan İzzət oğlu Zahidov ov tüfəngini təmizləyərkən tüfəng açılıb və güllə ona dəyib.
Nəticədə Elcan Zahidov yaralanıb. O, sağ çiyin qurşağının dəlib-keçən güllə yarası diaqnozu ilə Lənkəran Mərkəzi Rayon Xəstəxanasına yerləşdirilib. Həkimlərin həyata keçirdikləri müvafiq tibbi tədbirlərdən sonra Elcan Zahidovun vəziyyəti stabilləşib.
Faktla bağlı Lerik Rayon Prokurorluğunda araşdırma aparılır.
