Yelisey sarayının baş aşpazı Giyom Qomes dörd Fransa prezidenti dövründə 25 illik fəaliyyətindən sonra 2021-ci ildə vəzifəsini tərk edib. Əvvəllər onun gedişi sakit bir ayrılıq kimi qələmə verilsə də, jurnalist Florian Tardif öz kitabında hadisələrin fərqli versiyasını təqdim edib.
Aktual.az xəbər verir ki, bu barədə aif.ru məlumat yayıb.
Müəllifin sözlərinə görə, zaman keçdikcə Emmanuel Makron qidalanmasına daha diqqətlə yanaşmağa başlayıb: kiçik porsiyalara üstünlük verib və pendirdən imtina edib. Bununla belə, kitabda iddia olunur ki, dövlət başçısı spirtli içki istehlakını azaltmayıb. Tardif Makronla baş aşpaz arasındakı fikir ayrılıqlarını menyu ilə əlaqələndirir.
Jurnalistin iddiasına görə, Qomes Fransa mətbəxinin ənənəvi yeməklərini təqdim edirmiş, prezident isə daha yüngül qidalar istəyib.
Kitab müəllifi yazır ki, məhz bu səbəbdən yaranan münaqişələr yekunda aşpazın işdən çıxmasına gətirib çıxarıb.
Məlumata görə, Qomes Yelisey sarayının mətbəxində fəaliyyətinə Jak Şirakın prezidentliyi dövründə başlayıb. Daha sonra o, Nikolya Sarkozi, Fransua Olland və Emmanuel Makron üçün yeməklər hazırlayıb.
"Makron ona yalnız Fransa souslu yeməklər təqdim edən baş aşpazın üstünə qışqırırdı. Qomesin səbri tükəndi. İyirmi beş illik xidmətdən sonra onun 2021-ci ildə Yelisey sarayının mətbəxlərindən gedişi baş tutdu", - deyə Tardif yazır.
Kitabda, həmçinin prezidentin gündəlik rasionu da təsvir edilib. Adətən Bricit Makron tərəfindən hazırlanan səhər yeməyində meyvə, limonlu çay, lopalar və kəsmik verilir. Axşamlar isə prezident yüngül yeməklər seçir - məsələn, krem-şorba və ya bekonlu omlet.
Xəbər 64 dəfə oxunub.
