“Hobbyists” adlı qrupun 25 yaşlı üzvü olan Bən Sklappiq hava limanlarını aldadaraq onlardan pulsuz istifadə etməsi ilə dünya gündəminə gəlib. 

Aktual.az xəbər verir ki, o dünyanı bir qəpik belə xərcləmədən gəzib. Gənc gəzdiyi yerlərlə bağlı şəkilləri öz instagram səhifəsində paylaşmaqdan da çəkinməyib. Belə ki, ötən il sevgilisindən ayrılan Sklappiq yeni bir iş və ev tapmaq üçün dünya turuna çıxmağı planlaşdırır. Beləliklə də o, hava limanlarının alqoritm gizliliklərini, mil proqramlarını və alınan mükafatları öz lehinə istifadə edən “Hobbyists” adlanan qrupa üzv olur və dünya turunu xərc çəkmədən başa vurur. O hətta Honq Konq, London və Dubay kimi bahalı şəhərlərdə pulsuz qala bilib.