ABŞ Prezidenti Donald Trampın Ankarada keçiriləcək NATO sammitində iştirakı alyans daxilindəki bir sıra mühüm məsələlərin həllinə kömək edə bilər.
Aktual.az xəbər verir ki, bunu Türkiyənin xarici işlər naziri Hakan Fidan "Türkiyə” qəzetinə müsahibəsində deyib.
"Sammitə hazırlıq tam sürətlə davam edir. Ən vacib məsələ ABŞ və Avropanın NATO ilə bağlı mövqelərindəki fərqlərin necə təzahür edəcəyidir. ABŞ prezidentinin iştirakı olmadan həlli mümkün olmayan çox vacib məsələlər var. Ankara sammiti bu problemlərin həlli üçün mühüm imkan yaradacaq”, - Fidan bildirib.