Tbilisidə etirazçılar mərkəzi prospekti bağayıb

Tbilisidə etirazçılar mərkəzi prospekti bağayıb

Tbilisidə ötən gün parlamentin binası qarşısında keçirilmiş etiraz aksiyasının bir neçə iştirakçısı Rustaveli prospektində qalmaqdadır.

Aktual.az APA-ya istinadən xəbər verir ki, etirazçıların prospektdə üç çadır qurması səbəbindən yol avtomobillərin hərəkəti üçün bağlıdır.
Aksiyanın təşkilatçılarından olan Zviad Kuprava və daha üç nəfər inzibati qanunvericiliyin tələblərinin pozulmasına görə saxlanılıb.

Ötən il Tbilisinin Xorava küçəsində qətlə yetirilmiş yeniyetmələrdən birinin atası Zaza Saralidzə saxlanılan şəxslərin azad olunmasını tələb edib. O, aksiyanın bu gün saat 14:00-da bərpa olunacağını bildirib.
Qeyd edək ki, ötən axşam aksiya zamanı yağış başladığına görə parlamentin binası qarşısında olan çadırlar Rustaveli prospektinə daşınıb. Z. Saralidze oğlunun qətlində günahı olanların hamısı müəyyən olunmayana qədər Rustaveli prospektindəki çadırdan çıxmayacağını deyib.
 
Aktual.az
Xəbər 191 dəfə oxunub.

YAZARLARIMIZ

SEÇİLMİŞ

SON XƏBƏRLƏR