Azərbaycan Dövlət Neft Şirkəti (SOCAR) bu ilin yanvar-noyabr ayları ərzində 7 582,1 min ton neft hasil edib.
Aktual.az SOCAR-a istinadən xəbər verir ki, neft hasilatı bu ilin 11 ayında ötən ilin müvafiq dövrünə nisbətən 1,5% azalıb.
Hesabat dövründə hasil olunan neftin 673 min tonu noyabr ayının payına düşüb. Bu ilin noyabr ayında hasil olunan neft ötən ilin noyabr ayından 1,5% az olub.
Qeyd edək ki, bu il SOCAR-a məxsus yataqlardan 8,3 mln. ton neft hasilatı planlaşdırılır.
