"Report” RİA "Novosti”yə istinadən xəbər verir ki, bu barədə Rusiyanın xarici işlər naziri Sergey Lavrov iranlı həmkarı Məhəmməd Cavad Zərif ilə telefon danışığında bildirib.
"Rusiya tərəfi İranda COVID-19 koronavirusunun yayılması nəticəsində insanların ölməsinə görə qarşı tərəfə başsağlığı verib və virusun daha da yayılmasına qarşı mübarizidə kömək etməyə hazır olduğunu təsdiqləyib”, - Rusiya Xarici İşlər Nazirliyinin açıqlamasında deyilir.
Fevralın 19-dan bu yana İranda 2,3 mindən çox koronavirusa yoluxma halı qeydə alınıb, 77 nəfər ölüb, 435 nəfər sağalıb.