Rusiya Prezidenti Vladimir Putinlə İranın yeni ali lideri Müctəba Xamenei arasında telefon danışığı aparmaq barədə hələlik konkret razılaşma yoxdur.
Aktual.az xəbər verir ki, bunu Rusiya prezidentinin mətbuat katibi Dmitri Peskov deyib.
"Hələlik bu telefon danışığı ilə bağlı razılaşma yoxdur. Buna görə də burada konkret bir şey deyə bilmərik. Amma təbii ki, Prezident Putin bu cür əlaqələrə açıqdır”, - o bildirib.
Qeyd edək ki, TASS Xameneinin ilk beynəlxalq telefon danışığının və ya ilk görüşünün Putinlə ola biləcəyi barədə məlumat yaymışdı.