Lent.az-ın məlumatına görə, Bakı Ağır Cinayətlər Məhkəməsində hakim Rahib Salmanovun sədrliyi ilə keçirilən prosesdə zərərçəkmiş şəxslər vəsatətlə çıxış ediblər.

Onlar vəsatətlərində təqsirləndirilən Əlövsət Məhərrəmovun oğlunun adına olan evə həbs qoyulmasını istəyiblər.

Məhkəmə vəsatəti təmin edib, Ə.Məhərrəmovun əmlakına həbs qoyulması barədə qərar çıxarılıb.

Məhkəmə prosesi mayın 15-də davam edəcək.

Qeyd edək ki, Ə.Məhərrəmovun vətəndaşları aldatması halları 2014-cü ilin sonlarında çoxsaylı şikayətlərdən sonra məlum olub. O, 2015-ci ilin fevralında həbs edilib.

Araşdırma zamanı məlum olub ki, Ə.Məhərrəmov 90 nəfərdən çox vətəndaşa özünü Fövqəladə Hallar Nazirliyinin (FHN) polkovniki kimi təqdim edərək, onları işə düzəldəcəyi vədini verib. O, həmin şəxslərin pullarını alıb, sonradan verdiyi vədə əməl etməyib.