Rusiya paytaxtının aeroportlarında 30-dan çox təyyarə reysi gecikib və ləğv edilib.
ONA-nın gazeta.ru saytına istinadən verdiyi məlumata görə, Vnukovo aeroportunda 8 reysin gecikdiyi, 3 reysin isə ləğv edildiyi bildirilib.
Domodedovo hava limanında 6 reysin gecikdiyi, 9 reysin ləğv olunduğu, Şeremetyovo aeroportunda isə 8 reysin gecikdiyi elan edilib.
Bundan əvvəl Moskvada pis hava şəraiti səbəbindən 20 təyyarə reysi gecikmiş və ləğv olunmuşdu.
Qeyd edək ki, Rusiya paytaxtında güclü qar yağıb.
