İtaliyada koronavirusla əlaqədar ölkədə bütün məktəb və universitetlərdə tətil elan edilib.
"Report” "Bloomberg”ə istinadən xəbər verir ki, tətil martın ortasınadək davam edəcək.
Qeyd edək ki, İtaliyada indiyədək 2 502 nəfərdə koronavirus aşkarlanıb. Onlardan 79-u ölüb.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda epidemiya 81 ölkə və regionu əhatə edir.
Dünyada koronavirus infeksiyasına indiyədək yoluxanların sayı 94 244-ə çatıb. Bunların 51 193 nəfəri sağalıb, 3 220 nəfəri isə ölüb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub.
Xəbər 402 dəfə oxunub.
