Aktual.az oxu.az-a istinadən xəbər verir ki, Pentaqon İranın ABŞ aviadaşıyıcısı və Fransa ticarət gəmisi yaxınlığında raketlərdən atəş açılmasının görüntülərini yayıb.
Videoda bir neçə katerin raket atdığı kadrlar öz əksini tapıb. ABŞ Hərbi Dəniz Qüvvələrinin yaydığı kadrlar Amerikanın “Seahowk” vertolyotundan lentə alınıb.
Video dekabrın 26-da Oman və Fars körfəzlərini birləşdirən Hörmüz boğazında çəkilib.
Qeyd olunur ki, raket atışları başlamazdan 20 dəqiqə əvvəl İran gəmilərinin heyət üzvləri radioəlaqə vasitəsi ilə təlim keçirəcəklərini və raket atışı reallaşdıracaqlarını elan ediblər.
