"Report" xəbər verir ki, bu barədə "Reuters" Honduras Hökumətinə istinadən məlumat yayıb.
Bildirilir ki, dövlət başçısının qardaşı noyabrın 23-də Mayamidə həbs edilib. Xuan Antonio Ernandesin 40 yaşı var. O, ixtisasca hüquqşünasdır. Dövlət başçısının qardaşı narkotik vasitələrin qanunsuz dövriyyəsində şübhəli bilinir.
Honduras prezidenti qardaşının həbsini şərh edib. O, bildirib ki, doğmaları Xuan Antonio Ernandesə dəstək üçün mümkün olan hər şeyi edəcəklər. 
Qeyd edək ki, Honduras prezidentinin bacısı İlda Ernandes ötən ilin dekabrında vertolyot qəzasında həlak olub.