Göyçay rayonunda iki nəfərin ağır xəsarət alması ilə nəticələnən avtomobil qəzası baş verib.
APA-nın yerli bürosunun xəbərinə görə, hadisə Bakı-Şamaxı-Yevlax avtomobil yolunun 200-cü kilometrliyində, Göyçayın Qarayazı kəndi ərazisində qeydə alınıb.
Bakı istiqamətində hərəkətdə olan, Kəlbəcər rayon sakini, 1977-ci il təvəllüdlü Abdinov İsa Abdin oğlunun idarə etdiyi minik avtomobili yoldan çıxaraq su arxına düşüb.
Qəza nəticəsində sürücü və onun sərnişini, Sumqayıt şəhər sakini, 1993-cü il təvəllüdlü Kazımov Ramin Kazım oğlu müxtəlif dərəcəli bədən xəsarətləri alıblar. Onlar Göyçay Rayon Mərkəzi Xəstəxanasına yerləşdirilib.
Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.
Aktual.az
