Türkiyənin Qaçaqmalçılıqla Mübarizə İdarəsi Fətullahçı Terror Təşkilatının (FETÖ) təhsil və maliyyə sektorunu idarə edən şəxslərə qarşı xüsusi əməliyyat keçirib.
Aktual.az azvision.az-a istnadən bildirir ki, əməliyyatlar İstanbul və Çorluda həyata keçirilib.
Əməliyyat zamanı FETÖ-nün maliyyə kruyerliyini həyata keçirən 4 nəfər saxlanılıb. Onlardan 50 milyon lirə qəbz-sənəd və 1 milyon lirə nağd pul götürülüb. Şərti adı M.K olan şəxs isə qaçaq olduğu üçün axtarışdadır.
Qeyd edək ki, Türkiyə Qaçaqmalçılıqla Mübarizə İdarəsi FETÖ-nün maliyyə mənbələrinin zərərsizləşdirilməsi istiqamətindəki əməliyyatlarını davam etdirir.
