Azərbaycanlı tələbə Yunan-Roma güləşi üzrə Fransanın paytaxtı Parisdə keçirilən beynəlxalq turnirdə qələbə qazanıb.
Aktual.az-ın xəbərinə görə, 55 kq çəki dərəcəsində yarışan 18 yaşlı İlkin Qənbərli erməni rəqibi Miqran Nazaryanı finalda məğlub edərək turnirin qalibi olub.
Beynəlxalq turnir 13-15 fevral tarixində keçirilib.
Qeyd edək ki, 2003-cü il təvəllüdlü İlkin Qənbərli Bakı Dövlət Universitetinin(BDU) Geologiya fakültəsinin 1-ci kurs tələbəsidir. O, 5 qat respublika çempionu və bir sıra beynəlxalq turnirlərin qalibidir.
Xəbər 294 dəfə oxunub.
