"Baku-Bus" MMC-nin 14 saylı xətt üzrə hərəkət edən marşrut avtobusunun şüşəsini sındıran şəxslər həbs olunublar.
Aktual.az bildirir ki, Report-un hüquq-mühafizə orqanlarından əldə etdiyi məlumata görə, Nəsimi Rayon Polis İdarəsinin əməkdaşlarının həyata keçirdikləri əməliyyat-axtarış tədbirləri nəticəsində avtobusun şüşəsini sındıran 2000-ci il təvəllüdlü Abdulla Novruzov və həmyaşıdı Mircavad Məmmədov saxlanılıblar.
Qeyd edək ki, hadisə yanvarın 28-də Nəsimi rayon ərazisində Dilarə Əliyeva küçəsinində baş verib. "Baku-Bus" MMC-nin 14 saylı marşrut avtobus xəttində fəaliyyət göstərən 99 HJ 103 dövlət qeydiyyat nişanlı avtobusunu naməlum şəxslər daşa basıblar. Nəticədə avtobusun şüşəsi sınıb.