Türkiyənin paytaxtı Ankarada dövlət rəsmilərinin, yerli və xarici jurnalistlərin iştirakı ilə "Beynəlxalq Mədəniyyət, Turizim və Demokratiya Forumu" keçrilib.
Musavat.com xəbər verir ki, forumda iştirak edən Azərbaycan Türkiyə Evinin icraçı direktoru və diaspor.az saytının rəhbəri Toğrul Allahverdili çıxış edərək iştirakçıların diqqətini Ermənistanın Azərbaycan torpağlarını işğal etməsinə çəkib: "Ermənistanın hücumu nəticəsində iyirmi faiz torpaqlarımız işğal altındadır, biz öz dədə-baba torpaqlarımıza gedə bilmirik. Hər gün şəhid verməyimizlə bərabər ermənilər dinc əhaliyə qarşı silahdan istifadə edir. Ermənistan prezidenti Sarkisyan uşaq qatilidir. Xocalıda və bu yaxınlarda iki yaşlı Zəhranın şəhid edilməsi bunun subutudur".
