Ukrayna Prezidenti Vladimir Zelenski Böyük Britaniya Baş naziri Endi Börnhemlə söhbətində Ukraynanın "atəşkəsin istənilən variantına” hazır olduğunu bildirib.
Aktual.az xəbər verir ki, bu barədə "Skay Nyus” məlumat yayıb.
"Starlink” və kəşfiyyat məlumatları ilə bağlı məsələləri müzakirə etmək istəyirəm”, – deyə prezident əlavə edib.
Prezident qeyd edib ki, Ukrayna kütləvi hücumlarla üzləşir və təəssüf ki, müəyyən çətinliklər yaranır.
Zelenski ABŞ-ı nəzərdə tutaraq, Ukraynanın tərəfdaşlarından belə "sürprizlər” gözləmədiyini də vurğulayıb.
"Problem ondadır ki, tərəfdaşlıq çərçivəsində heç gözləmədiyin müxtəlif sürprizlər ortaya çıxır. Biz isə ABŞ-la tərəfdaşlığa ümid edirik. Sadəcə, mümkün qədər dürüst və açıq olmaq, eyni zamanda etibarlı tərəfdaş olaraq qalmaq istəyirik”, – deyə o bildirib.
Qeyd edək ki, Rusiyanın zərbələri ilə bağlı ABŞ-ın Ukraynanı 2 gün ardıcıl məlumatlandırmadığı, buna görə də hava sirenlərinin işə düşmədiyi və nəticədə mülki insanların ölümünün artdığı bildirilir. Eyni zamanda "Starlink”in xidmətlərinin məhdudlaşdırılması səbəbindən Ukrayna hücum PUA-ları Rusiyaya zərbə endirə bilmir.
Xəbər 40 dəfə oxunub.
