Ukrayna AN-178 tipli təyyarələrin Azərbaycanda yığılması üzrə müəssisənin ilkin proqramını, təşkilati strukturunu, tikintisini və fəaliyyətinin təmin edilməsini təqdim edəcək.
Aktual.az Trend-ə istinadən xəbər verir ki, bunu Ukrayna Baş nazirinin müavini, regional inkişaf, tikinti və mənzil-kommunal təsərrüfat naziri Gennadi Zubko Ukrayna-Azərbaycan İqtisadi əməkdaşlıq məsələləri üzrə birgə hökumətlərarası komissiyanın XI iclasında deyib.
Bununla bağlı razılıq birgə hökumətlərarası komissiyanın XI iclasında əldə olunub.
Onun sözlərinə görə, belə müəssisənin layihə gücü ildə 12-15 təyyarə təşkil edir.
