Məqsəd iqtisadiyyatın şaxələndirilməsidir.

Səudiyyə Ərəbistanının Nazirlər Kabineti “Krallığın baxışı-2030” adlı ölkənin 2030-cu ilə qədər olan inkişaf planını qəbul edib.

Aktual.az Oxu.Az-a istinadən xəbər verir ki, bu barədə bu gün kral Salman ben Abdul Əziz Əl Səud bəyan edib.

“Biz 2030-cu ilə qədər inkişaf planını İqtisadi Məsələlər üzrə Şuraya göndərmişik. Ümid edirik ki, o, bütün dünya üçün nümunə olacaq”, - vurğulayan monarxın sözlərini TASS sitat gətirib.

Planın məqsədi, əsasən neftin ixracından asılı olan Səudiyyə iqtisadiyyatının diversifikasiyasıdır.

Strategiyanın ən gözlənilən hissəsi neft nəhəngi “Saudi Aramco”nun səhmlərinin (İPO) yerləşdirilməsi, eləcə də aktivlərinin 2 trilyon dollardan artıq olacaq dünyada ən iri Milli Rifah Bankının yaradılmasıdır.

Keçən həftə ölkə hakimiyyətinin dövlət neft şirkəti “Saudi Aramco”nun eyni zamanda iki sahədə listinq imkanlarını nəzərdən keçirdiyi məlum olub.

“Biz bir neçə variantı nəzərdən keçiririk. Bu ya şirkətin ikiqat listinqi, ya da ABŞ bazarında, yalnız neft və ya qızıl ilə məşğul olan təşkilatlar kimi yalnız “Saudi Aramco” investisiya edəcək xüsusi fondun yaradılmasıdır”, - Səudiyyə Ərəbistanının ikinci vəliəhd şahzadəsi şeyx Məhəmməd ben Salman Əl Səud bildirib.

Daha öncə o, dünyada iri suveren investisiya fondunu yaratmaqla, ölkənin neftin ucuz qiymətlər dövrünə hazırlaşdığını bildirmişdi.

Səudiyyənin müstəqil “Public Investment Fund” (PİF) fondu 2 trilyon dollar aktivi birləşdirəcək və iqtisadiyyatın qeyri-xammal sahəsində istifadə ediləcək.

Hazrda “Sovereign Fund Institute” məlumatına görə, PİF-in aktivləri 5,3 milyard dollardan ibarətdir.