Nazirliyin "Himayədar ailə” qayğı modeli ilə bağlı elektron sistemi 1500-dən çox layihənin iştirak etdiyi müsabiqənin "İnformasiya cəmiyyətinin etik aspektləri" kateqoriyası üzrə qalibi seçilib.

https://www.itu.int/net4/wsis/stocktaking/Prizes/2026/Winners

Qeyd edilən elektron sistem valideyn himayəsindən məhrum olmuş uşaqların ailə mühitində böyüməsi və inkişafı məqsədi daşıyan "Himayədar ailə” qayğı modeli üzrə xidmətlərin rəqəmsal platforma üzərində göstərilməsinə imkan verir.

Himayədar ailələrin qeydiyyatı, qiymətləndirilməsi, uyğunlaşdırılması, monitorinqi və s. proseslər vahid rəqəmsal mühitdə həyata keçirilir və idarə edilir.

Müsabiqədə Nazirliyin iki rəqəmsal layihəsi - "Rəqəmsal əmək müqavilələri” layihəsi "Elektron məşğulluq” kateqoriyası və "Əlillik” altsistemi "İnformasiya cəmiyyətinin etik aspektləri” kateqoriyası üzrə Namizədlik Sertifikatı ilə təltif olunub.

Qeyd edək ki, İnformasiya Cəmiyyəti üzrə Dünya Sammiti (WSIS) BMT-nin Dayanıqlı İnkişaf Məqsədlərinin həyata keçirilməsini dəstəkləyən ən nüfuzlu qlobal platformalardan biridir. Hər il keçirilən "WSIS Prizes” beynəlxalq müsabiqəsi informasiya-kommunikasiya texnologiyalarından istifadə etməklə dayanıqlı inkişafın təşviqinə töhfə verən innovativ layihələri müəyyənləşdirərək mükafatlandırır.

Nazirliyin əldə etdiyi bu növbəti uğur ölkəmizdə son illər sosial xidmətlər sahəsində həyata keçirilən innovativ islahatların beynəlxalq səviyyədə də yüksək qiymətləndirilməsinin daha bir göstəricisidir.