Azərbaycan çempionatında iki futbolçu əlbəyaxa olub.
Aktual.az report-a istinadən bildirir ki, hadisə U-17 Liqasının "Neftçi" İK İB - "Vətən" matçında verib.
17-ci dəqiqədə meydan sahiblərinin futbolçusu Azər Əlizadə qonaq komandadan Marat Əzizovla dalaşıb. Baş hakim bir-birilərini vuran oyunçuları birbaşa qırmızı vərəqə ilə meydandan qovub. AFFA Hakimlər Komitəsi isə hər iki futbolçunu 4 oyunluq cəzalandırıb.
