Rumıniyanın “Dinamo” klubunun 26 yaşlı yarımmüdafiəçisi Patrik Ekenqin oyun zamanı ürəyi dayanıb.

Aktual.az  azvision.az-a istinadən xəbər verir ki, “Vitorul”la oyunda 26 yaşlı futbolçu meydana girəndən 7 dəqiqə sonra huşunu itirib.

Həkimlər dərhal meydana daxil olublar. Məlum olub ki, Patrik Ekenqin ürəyi dayanıb.

Həkimlər onun ürək döyüntülərini bərpa etsələr də, vəziyyətin gərgin olduğunu görüb təcili tibbi yardım maşını ilə xəstəxanaya yola salıblar.

Futbolçu tibbi yardım maşınında xəstəxanaya çatmamış dünyasını dəyişib.