Dövlət Statistika Komitəsinə (DSK) yeni aparat rəhbəri təyin edilib.

Aktual.az Apa-ya istinadən xəbər verir ki, bu vəzifə Rabitə və Yüksək Texnologiyalar Nazirliyinin tabeliyində fəaliyyət göstərən Yüksək Texnologiyalar Parkının direktor müavini Cabbar Musayevə həvalə olunub. O, aprelin 13-dən vəzifəsinin icrasına başlayıb.

Xatırladaq ki, bu təyinata qədər DSK-nın aparat rəhbəri Vahab Məmmədov olub.

V.Məmmədov prezident İlham Əliyevin fevralın 17-də imzaladığı sərəncamı ilə Dövlət Statistika Komitəsi sədrinin birinci müavini təyin edilib.