ABŞ-ın "Global Finance Magazine" nəşri dünyanın ən zəngin ölkələrinin reytinqini hazırlayıb.

Aktual.az  modern.az-a istinadən bildirir ki, siyahıya 185 dövlət daxil edilib.  

Siyahı Ümumdünya Bankı və Beynəlxalq Valyuta Fondunun məlumatları əsasında hazırlanıb. Reytinq tərtib olunarkən paritet kimi əhalinin alıcılıq qabiliyyəti, adambaşına düşən nisbi gəlir və inflyasiyanın səviyyəsi nəzərə alınır.

"Global Finance Magazine" Qətəri dünyanın ən zəngin ölkəsi elan edib. Burada adambaşına düşən ümumi daxili məhsul 146 min dollardır. İkinci sırada Lüksemburq (94176 dollar), üçüncü sırada isə 84821 dollarla Sinqapurdur.

Qazaxlstan hər adambaşına düşən ümumi daxili məıhsulun həcminə görə 25367 dollarla 50-ci yeri tutmaqla Rusiyanı (25350 dollar) bir pillə qabaqlayıb.  

Azərbaycan və Belarus 64 və 65-ci sıradadırlar.

Türkmənistan 77-cidir. Bundan əlavə, siyahıda Ukrayna (109-cu yer), Ermənistan (116-cı yer), Özbəkistan (127-ci yer), Moldova (132-ci yer), Qırğızıstan (142-ci yer) və Tacikistan 153-cü yerdə qərarlaşıb.