"Eskişehirspor"un futbolçusu Rahim Laval "Beşiktaş"a transfer oluna bilər.
Aktual.az goal.az-a istinadən xəbər verir ki, bu barədə Laval Fanatik qəzetinə açıqlama verib: ""Beşiktaş" ilə görüşmələrin olduğu doğrudur. Komandamın maddi sıxıntıları var. Klublar arasında görüşmələr davam edir.
Razılıq əldə olunarsa, mənim üçün çox yaxşı fürsət olacaq. "Beşiktaş"a transfer olunmaq istəyirəm. Orada özümü yaxşı tərəfdən göstərəcəyimə inanıram".
"Eskişehirspor" nigeriyalı futbolçunun transferi üçün "ağ-qaralar"dan 3 milyon avro tələb edib.
