Bu ayın ən populyar idman şəhərlərinin adı açıqlanıb.

Aktual.az Anspress-ə istinadən xəbər verir ki, Bakı Rusiyadakı turistlər arasında ən populyar şəhərlərdən biri olub. Araşdırmanın nəticəsinə görə, Azərbaycanın paytaxtı İspaniyanın Barselona şəhərini geridə qoyaraq ikinci olub. 

May ayının ən yaxşı idman şəhəri Moskva hesab olunur. Məlumatda qeyd olunub ki, Rusiyanın paytaxtı və Sankt-Peterburqda buzüstü hokkey üzrə dünya çempionatı keçiriləcək. Beynəlxalq turnir mayın 6-dan 22-nə kimi olacaq. Bakıda isə mayın 4-dən 8-nə kimi velosiped üzrə dördüncü Azərbaycan turu (Tour d`Azerbaijan) baş tutacaq. Tur 5 hissədən ibarət olacaq. Bakı-Sumqayıt (154 km), Bakı-İsmayıllı (186,5 km), Qəbələ-Şəki-Qəbələ (177km), Qəbələ-Pirquılu (115 km) və Bakı-Abşeron (158 km). Turnirdə 21 komanda iştirak edəcək. 

Mayın 13-dən 15-nə kimi Barselonada Formula 1 yarışı keçiriləcək. "Circuit de Barcelona-Catalunya" adlanan yarış yolunda 22 pilot bir-birilə mübarizə aparacaq.