Avropa Birliyinin (AB) Rusiya ilə danışıqlara başlamasının vaxtı hələ çatmayıb.
Aktual.az  xəbər verir ki, bunu Finlandiyanın xarici işlər naziri Elina Valtonen deyib.
"Hesab edirəm ki, rəsmi səviyyədə danışıqlara hazırlıq aparılması normal haldır. Lakin siyasətçilər arasında danışıqların aparılması üçün hələ vaxt yetişməyib. Ukrayna münaqişəsinin nizamlanmasına dair danışıqlar kontekstində gələcək addımları müzakirə edən qrupların Avropada toplaşmasında pis heç nə yoxdur. Bununla yanaşı, Avropanın danışıqlar imkanlarını çarəsiz şəkildə axtardığı təəssüratı yaranmamalıdır", - o bildirib.