Bakının Xətai rayonunda yerləşən 95 saylı orta məktəbdə baş verən yanğın hadisəsi ilə əlaqədar tədris prosesi müvəqqəti dayandırılıb.

Aktual.az-ın AzVision.az-a istinadən məlumatına görə, Xətai Rayon İcra Hakimiyyətinin başçısı Razim Məmmədov bu barədə məktəbdə valideynlərlə görüşündə bildirib.

Onun sözlərinə görə, hadisə ilə bağlı şagirdlərdə psixoloji gərginlik var və bu gün tədris müvəqqəti dayandırılacaq. Eyni zamanda məktəbdə təmizlik işlərinin görülməsinə ehtiyac var.

R.Məmmədov qeyd edib ki, sabahdan etibarən məktəbdə tədris prosesi bərpa olunacaq.