Cəlilabadın 10-dan çox kəndini birləşdirən Cəlilabad-Cəngan-Soltankənd avtomobil yolunun bir hissəsi sürüşmənin təsirindən yararsız hala düşüb. Bu da avtomobil yolunun bağlanma ehtimalını artırır.

Aktual.az  xezerxeber.az-a istinadən bildirir ki,  yolun bəzi ərazilərindəki asfalt qatı tamamilə çöküb. Nəticədə avtomobil yolunun hərəkət hissəsi xeyli daralıb. Bu da ərazidə qəza riskini artırır.

Cəlilabadın Cəngan kəndində də sürüşmə təhlükəsi artmaqdadır. Yaşayış evləri üçün təhlükə olmasa da, kənd qəbiristanlığı və ona yaxın ərazilərdə sürüşməyə meyillilik hər gün artır.