"Report" xəbər verir ki, bunu Avropada Mühafizəkarlar və İslahatçılar Alyansının prezidenti Yan Zahradil deyib.
Onun sözlərinə görə, Azərbaycan vacib və unikal dövlətdir: "Ona görə də bu dövlət öz layiqli yerini tutmalıdır. Təəssüf ki, Avropa Şurasında Azərbaycanla bağlı birtərəfli və qərəzli qərarlar qəbul olunub, buna son qoymaq lazımdır".

Yan Zahradil bildirib ki, sabitlik olmadan uğur qazanmaq mümkün deyil: "Çox şadıq ki, Alyansımız da Azərbayanla sıx əməkdaşlıq edir. Ancaq bununla belə hesab edirik ki, müxtəlif sahələrdə əməkdaşlıq gücləndirilməlidir. Hər zaman Azərbaycanın yanındayıq və reallığı qəbul edirik. Azərbaycan alov ölkəsidir. Elə jurnalın da tədbirə həsr olunmuş xüsusi sayında alovlu şir simvolu təsvir edilib. Mənə təklif edildi ki, sammit mütəmadi keçirilsin. Bunu nəzərdən keçirmək olar".