Aktual.az Ölkə.Az-a istinadən  xəbər verir ki, ABŞ donanmasının gəmiləri onlara yaxınlaşan İran donanmasının 4 gəmisinə xəbərdarlıq atəşi açıb.

İnsident Hörmüz boğazında qeydə alınıb. İran gəmiləri Amerika donanmasına məxsus gəmilərin 800 metrliyinə qədər yaxınlaşıb.

İran katerləri ABŞ hərbi hava qüvvələrinin helikopterlərinin radiosiqnal və tüstü xəbərdarlığına reaksiya vermədikləri üçün xəbərdarlıq atəşi açılıb.

Verilən məlumata görə, İran gəmilərinə üç dəfə xəbərdarlıq atəşi açılıb.