Aktual.az  Trend-ə istinadən bildirir ki, bunu Prezident Administrasiyası rəhbərinin müavini, Xarici əlaqələr şöbəsinin müdiri Novruz Məmmədov jurnalistlərə deyib.

N.Məmmədov qeyd edib ki, bu səfərlər həm müxtəlif beynəlxalq tədbirlər, həm də ikitərəfli münasibətlər çərçivəsində Azərbaycanla əməkdaşlığın, Azərbaycanla əlaqələrin inkişafına böyük bir ehtiyacın olduğunu nümayiş etdirir:

"Yəni dünyada Azərbaycanla əməkdaşlığa tələbat var, Azərbaycanın yeri, mövqeyi görünür. Bu nöqteyi-nəzərdən Prezidentin son səfərlərinin əhəmiyyəti çox böyükdür".

PA rəsmisi əlavə edib ki, dövlət başçısının Qətərə rəsmi səfəri zamanı iki ölkə arasında bir sıra sahələrdə əməkdaşlığın cari vəziyyəti, perspektivləri barədə geniş fikir mübadiləsi aparıldı və müvafiq qərarlar qəbul edildi:

"Düşünürəm ki, iki ölkə arasında bundan sonra kənd təsərrüfatı, energetika, turizm, ikitərəfli insvestisiya qoyuluşu, aviareyslərin intensivləşdirilməsi və digər sahələrdə əməkdaşlığın inkişafı üçün çox yaxşı imkanlar var. Səfər zamanı bu istiqamətlərdə müzakirələr aparıldı. Bu səfərin, müzakirələrin nəticələrini də tezliklə görəcəyik".

 

Aktual.az