Ləğv edilmiş Milli Təhlükəsizlik Nazirliyinin (MTN) sabiq əməkdaşlarının daha bir sahibkarın külli miqdarda pulunu ələ keçirməsi barədə məlumat var.

Aktual.az lent.az- a istinadən bildirir ki, bu barədə vəkil Adəm Məmmədov məlumat verib. O bildirib ki, hazırda həbsdə olan MTN-in Füzuli və Natiq adlı zabitləri Bəxtiyar adlı sahibkardan 100 min ABŞ dolları, 20 min manat və 50 ədəd İphone markalı telefonu hədə-qorxu yolu ilə alıblar.

Vəkil onu da bildirib ki, artıq bununla bağlı müvəkkili Baş Prokurorluğun Ağır Cinayətlərə dair İstintaq İdarəsində dindirilib. Faktla bağlı araşdırma başlanılıb.