Hindistanın ən məşhur aktyorlarından biri, 42 yaşlı Roşan Ritik İstanbuldakı Atatürk hava limanındakı teraktdan xoş təsadüf nəticəsində qurtulduğunu bəyan edib.
Milli.Az The Hindustan Times-a istinadən bildirir ki, Roşan Ritik İspaniyanın paytaxtı Madriddə istirahət edəndən sonra oğulları Hredhaan və Hrehaanla birlikdə Tanzaniyaya, Serengeti Milli parkına yollanmışdı.
O, Tanzaniyadan təyyarə ilə İstanbula üz tutmuşdu: Ritik oğulları ilə İstanbul-Dehli reysi vasitəsilə vətənə qayıdacaqdı.
Twitter-dəki akkauntunda məşhur aktyor İstanbuldakı teraktdan əvvəl yazıb: "Reysimizə gecikdim, İstanbulda aeroportda qaldım. 18 saat gözləməliydik. Amma növbəti reysə, ekonom-klassa bilet alıb daha tez uçdum".
İki saat sonra təyyarə yerə enəndə R.Ritik Atatürk hava limanındakı teraktdan xəbər tutub: "Bir neçə saat əvvəl İstanbuldakı hava limanının nəzakətli əməkdaşları bizə yardım etdilər. Şok xəbərlərdir. Günahsız insanlar həlak oldular. Terrorizmə qarşı mübarizədə birləşməliyik".
