Çeçenistan prezidenti Ramzan Kadırov İstanbul Atatürk Hava Limanında törədilən terror hadisəsini pisləyib.
Aktual.az azvision.az-a istinadən bildirir ki, Kadırov hadisə zamanı həyatını itirənlərin yaxınlarına başsağlığı verib:
"Terrorçuların kim olmalarının və nə istədiklərinin heç bir önəmi yoxdur. Onların bu hərəkətlərini kəskin qınayırıq. Dünyada terrorla məqsədə çatmaq olmaz. Belə əmələ haqq qazandırmaq qətiyyən qəbuledilməzdir. Əgər terrorçulara qarşı müştərək şəkildə sərt tədbirlər görülərsə, insanlığa düşmən kəsilənlərin qarşısını almaq mümkün olar. Terrorçuların əsl məqsədi qan, kütləvi qətllər və qorxudur".
Qeyd edək ki, Kadırov bundan öncəki çıxışlarında Türkiyə ilə bağlı sərt fikirlər səsləndirib.
