Bakıda idman tədbirləri, kinoteatr və digər mədəniyyət müəssisələrinə biletlərin dəyərini kontaktsız stikerlər vasitəsilə ödəmək mümkün olacaq.

Aktual.az Trend-ə istinadən bildirir ki, bu barədə İT-bazarındakı mənbədən məlumat veriblər.

Mənbənin sözlərinə görə, söhbət kütləvi ödənişlər üçün nəzərdə tutulmuş texniki məsələdən gedir. Kontaktsız ödənişlərin yaxın vaxtlarda mümkün olacağı bildirilib.

Mənbə qeyd edib: "Biletləri telefonla sifariş etmək lazım olacaq. Operator sifarişi qəbul edib, mobil əlavədə avtomatik hesabın göstərilməsini təmin edəcək. Daha sonra ödənişi etmək, bileti isə stiker vasitəsilə çap etmək lazım oacaq".