Bakının Binəqədi rayonunda irigövdəli ağac hərəkətdə olan avtomobilin üzərinə aşıb.

Aktual.az  Kriminal.az saytına istinadən xəbər verir ki, Səttar Bəhlulzadə küçəsində Zaur Ağayev idarə etdiyi "Mercedes” markalı minik avtomobili ilə hərəkətdə olarkən irigövdəli ağac avtomobilin üzərinə düşüb.

Hadisə baş verən zaman sürücü avtomobildə tək olub. Xəsarət alan olmasa da, nəqliyyat vasitəsinə ciddi ziyan dəyib. Ağac yolun hərəkət istiqamətinə düşdüyündən gediş-gəliş dayanıb və ərazidə tıxac əmələ gəlib.