34 yaşlı Şirvan sakini küçədə yıxılaraq ölüb.
Aktual.az APA-ya istinadən xəbər verir ki, hadisə axşam saatlarında Şirvan şəhərinin Bayramlı qəsəbəsində qeydə alınıb. Şirvan sakini, 1982-ci il təvəllüdlü Mahmudov Şamil Ağabala oğlu evinə gedərkən qəfildən yerə yıxılıb və dünyasını dəyişib. Ölümün səbəbini müəyyənləşdirmək üçün meyit müayinə üçün Şirvan şəhər Məhkəmə Tibbi Ekspertiza və Pataloji Anatomiya mərkəzinə təhvil verilib. Ölümün səbəbi ekspertizanın rəyindən sonra müəyən ediləcək.
Faktla bağlı Şirvan prokurorluğunda araşdırma aparılır.
