Yanvardan “ƏDV-ni geri al” kampaniyasında bu dəyişikliklər tətbiq ediləcək

Yanvardan “ƏDV-ni geri al” kampaniyasında bu dəyişikliklər tətbiq ediləcək

"Yeni dəyişikliklərə əsasən, avtomobillər, alkoqollu içkilər və tütün məmulatları alan zaman ödənilən ƏDV geri qaytarılmayacaq. Əvvəllər yalnız bu istisna neft və qaz məhsullarına tətbiq olunurdu”.

Qaynarinfo xəbər verir ki, Milli Məclisin deputatı Vüqar Bayramov "ƏDV-ni geri al” kampaniyası çərçivəsində yanvar ayından tətbiq ediləcək dəyişikliklərdən danışarkən deyib. Deputat bildirib ki, "Vergi Məcəlləs”inin 165-ci "Verginin sıfır (0) dərəcəsi ilə tutulması” maddəsinə bir sıra dəyişikliklər edilib:

"Artıq bu dəyişikliklər ötən cümə günü Milli Məclis tərəfindən təsdiq olunub. Bununla yanaşı, habelə tibb müəssisələri tərəfindən göstərilən tibbi xidmətlərə görə ödənilən ƏDV-nin də bir hissəsi gələn ildən etibarən geri qaytarılacaq. Digər dəyişiklik yaşayış və qeyri-yaşayış sahələrinin alınması ilə bağlıdır. Belə ki, yeni dəyişkiliyə əsasən, fiziki şəxs olan istehlakçılar eyni binadan bir və ya bir neçə yaşayış və (və ya) qeyri-yaşayış sahələrini aldıqda, ƏDV-nin qaytarılması alınmış yaşayış sahəsinin 500 kvadratmetr və qeyri-yaşayış sahəsinin 500 kvadratmetrdən çox olmayan hissəsinə mütənasib ödənilmiş ƏDV-yə tətbiq edilir”.

Deputat onu da əlavə edib ki, qaytarılan məbləğ nağdsız qaydada ödənilmiş ƏDV-nin 15 faizini, nağd qaydada ödənilmiş ƏDV-nin 10 faizini təşkil edir:

"Dəyişikliklər Azərbaycan Prezidenti tərəfindən təsdiq olunduqdan sonra gələn aydan qüvvəyə minəcək”.
Xəbər 340 dəfə oxunub.

YAZARLARIMIZ

SEÇİLMİŞ

SON XƏBƏRLƏR