“Təmirsiz mənzillərin satışı dayandırılsın”

“Təmirsiz mənzillərin satışı dayandırılsın”

"Hər binada yüzlərlə kombi istilik sistemi var. Həm qaz sərfiyyatı, həm xeyli xərc, həm də ekoloji fəlakət. Onun üçün də bütün yeni tikilən binalara mərkəzi istilik tələbləri qoyulmalıdır. Bina evlərində fərdi kombi ləğv edilməlidir”. 

Aktual.az xəbər verir ki, bunu Milli Məclisdə çıxışı zamanı deputat Razi Nurullayev bildirib.

O, qeyd edib ki, enerji effektivliyinin tətbiq edilməsi tikinti sahəsində qiymətlərin də bahalaşmasına səbəb olacaq: "Lakin mənzilin aylıq xərcində bu, özünü tamamilə doğruldacaq. Onun üçün də enerji effektivliyi tələbləri ciddi şəkildə həyata keçirilsin”.

Digər bir problem kimi deputat evlərin təmirsiz satılmasını göstərib: "Mən bu məsələdə də qanunamüvafiq dəyişikliyi təklif edirəm. Bundan sonra tikilən bütün binalar təmirli və standartlara uyğun şəkildə təhvil verilsin. Təmirsiz mənzillərin satışı dayandırılsın. Evlərin təmirli və enerji effektivliyinin tətbiqi sahəsində potensial bahalaşmasını nəzərə alaraq, iş adamlarının xərclərini azaltmaq üçün yollar araşdırılsın”. 
Xəbər 423 dəfə oxunub.

YAZARLARIMIZ

SEÇİLMİŞ

SON XƏBƏRLƏR