Slovakiyalı ekspert: Ukraynada bizi uzunmüddətli münaqişə gözləyir

Slovakiyalı ekspert: Ukraynada bizi uzunmüddətli münaqişə gözləyir

Bütün göstəricilər Ukraynada müharibənin qalıcı olduğunu, hətta regionda daha geniş platformaya yayılma riskinin hər gün artdığını göstərir.
Aktual.az xəbər verir ki,bunu slovakiyalı ekspert Jozef Hrabina bildirib.
"Rusiya-Ukrayna qarşıdurması növbəti mərhələyə daxil olub. Bu, Rusiya-Qərb qarşıdurmasının növbəti mərhələsidir. Biz görürük ki, Rusiya hazırda hərbi sənayedə, xidmətdə, səfərbərlikdə, iqtisadi siyasətdə genişmiqyaslı müharibəni, əməliyyatları davam etdirməyə yönəlmiş uzunmüddətli siyasət aparır.
Rusiyanın daha çox müharibə iqtisadiyyatına keçdiyini görürük. Ölkənin hərbi-sənaye kompleksi fasiləsiz işləyir. Digər tərəfdən, mən deyərdim ki, biz Ukrayna tərəfdən küskünlük və dözümlülük görürük”, - avropalı ekspert vurğulayıb.
O qeyd edib ki, ukraynalılar hazırda Rusiyanın güclü təzyiqinin öhdəsindən gəlməyin yollarını axtarırlar: "Rusiyanın hazırkı əməliyyat tempi münaqişənin başlanmasından bəri ən yüksək səviyyədədir. Digər tərəfdən, müttəfiqləri Ukraynaya bacardıqları qədər dəstək verməyə çalışırlar. Biz koalisiyanın, Fransanın Ukraynanın Belarusla şimal sərhədinin təhlükəsizliyini təmin etmək səylərini görürük. Ukrayna qoşunlarının cənub və şərqdə, əsasən də Rusiyanın əməliyyat imkanlarının böyük hissəsini cəmlədiyi Donetsk bölgəsində yerləşdirməsinə çalışılır. Avropa və NATO müttəfiqləri arasında məsələyə müxtəlif yanaşmalar var. Onlar arasında fikir ayrılığı olsa da, Qərb uzunmüddətli dəstək göstərmək niyyətindədir və Ukraynaya dəstəyini artırır. Buna baxmayaraq, görünür ki, Kiyevə dəstək bir növ Fransa və Polşa kimi ayrı-ayrı aktyorların fərdi səylərinə və siyasətlərinə arxalanacaq”.
Ekspert bəyan edib ki, bir müddət sonra Böyük Britaniya, hətta ABŞ-dan nəsə gözləyə bilərik: "Bütün deyilənlərə əsaslanaraq, biz uzunmüddətli münaqişə gözləyirik. Qərb ölkələrinin artan iştirakı ilə eskalasiyanın daha da yükləməsi ehtimalları həqiqətən reallığa çevrilir. Və biz görürük ki, bu müharibə tərəflərindən heç biri sülh danışıqlarına hazır deyil. Aktorların heç biri hazırda öz əməliyyat hədəflərinə çatmayıb”.

Xəbər 131 dəfə oxunub.

YAZARLARIMIZ

SEÇİLMİŞ

SON XƏBƏRLƏR