Bu ilin yanvar-oktyabr aylarında Rusiyadan Gürcüstana pul köçürmələrinin həcmi 1,4 milyard dollar təşkil edib ki, bu da 2021-ci ilin eyni dövrü ilə müqayisədə 4,3 dəfə çoxdur.
Bu barədə Gürcüstan Milli Bankının çərşənbə axşamı dərc olunmuş məlumatında deyilir.

Gürcüstana pul köçürmələrinin həcminə görə Rusiya birinci yerdədir. İkinci yerdə İtaliyadır. On ay ərzində Gürcüstan bu ölkədən 352,7 milyon dollar alıb ki, bu da ötən illə müqayisədə 11,7% çoxdur.
Qonşu ölkəyə pul köçürmələrinin həcminə görə üçüncü yerdə ABŞ-dır. 2021-ci ilin yanvar-oktyabr aylarında bu ölkədən Gürcüstana 264 milyon dollar köçürülüb ki, bu da 2021-ci ilin yanvar-oktyabr ayları ilə müqayisədə 13% çoxdur.
Ümumilikdə, ilin əvvəlindən Gürcüstana bütün dünyadan 3,3 milyard dollar vəsait köçürülüb ki, bu da 2021-ci ilin eyni dövrü ilə müqayisədə 74% çoxdur.