"Hazırda Azərbaycanın 3 şəhəri və 9 rayonunda müəllimlərin diaqnostik qiymətləndirməsinin keçirilməsi ilə bağlı tədbirlər həyata keçirilir".

Aktual.az-ın APA-ya istinadən xəbərinə görə, bunu təhsil nazirinin müavini Ceyhun Bayramov deyib. O bildirib ki, 3 şəhər və 9 rayonda noyabr-dekabr ayları ərzində müəllimlərin diaqnostik qiymətləndirməsi tamamlanacaq: "Diaqnostik qiymətləndirmədən keçən müəllimlərlə bağlı 1 yanvar 2016-cı ildən etibarən yeni qaydalar əsasında dərs yükü normalarının hesablanması və yeni əmək haqlarının tətbiqinə başlanılacaq".

C. Bayramov qeyd edib ki, millət vəkili seçilən ali məktəb rektorları ilə bağlı ictimaiyyətə məlumat veriləcək.