İtaliya Nazirlər Kabineti təbii fəlakətlə əlaqədar 11 əyalətdə fövqəladə vəziyyət rejimi tətbiq edib.
"Report” xəbər verir ki, təbii fəlakətin nəticələrini aradan qaldırmaq məqsədilə 53,5 milyon avro ayrılıb.
Yaxın vaxtlarda da baş nazir Cuzeppe Konte tərəfindən imzalanacaq müvafiq dekretlə daha 200 milyon avro ayrılacaq.
Qeyd edək ki, bu günlərdə leysan yağışlar, qasırğa və daşqınlarla bağlı bəzi bölgələrdə qırmızı təhlükə səviyyəsi elan olunmuşdu. Daşqınlar nəticəsində həlak olanların sayı 30-a çatıb.
